ចាន់ វឌ្ឍនាកា និង ច្រឹង ពលរដ្ឋ អាចនឹងលេចមុខនៅលីគកំពូលថៃនារដូលកាលក្រោយ
កីឡាកររបស់កម្ពុជាចំនួនពីររូប គឺចាន់ វឌ្ឍនាកា និង ច្រឹង ពលរដ្ឋ អាចនឹងលេចមុខនៅលីគកំពូលរបសប្រទេសថៃ។
ច្រឹង ពលរដ្ឋ ត្រូវបានក្លឹប Buriram United ឆក់យកពីក្លឹបក្រសួងការពារជាតិដើម្បីចូលរួមជាមួយពួកគេហើយក្នុងនាមជាបេក្ខភាពកីឡាករអាស៊ាន។ កីឡាករ២១ឆ្នាំរូបនេះ នឹងបង្ហាញខ្លួនអោយក្លឹបមួយនេះនៅឆ្នាំក្រោយដោយសារតែរូបគេមានបញ្ហារបួស។
ចំណែកឯកីឡារ ចាន់ វឌ្ឍនាកា ពុំទាន់មានការចុះកិច្ចសន្យាផ្លូវការណាមួយឡើយ តែកន្លងមកក៏មានដំណឹងលេចឮខ្លះៗ ថាខ្សែប្រយុទ្ធរូបនេះ អាចនឹងទៅលេងអោយក្លឹប Chiangrai ផងដែរ។ កាលពីប៉ុន្មានខែកន្លងមក ប្រធានក្លឹបបឹងកេត បានទៅដល់ក្លឹប Chiangrai ផ្ទាល់ ដើម្បីពង្រឹងទំនាក់ទំនងរវាងក្លឹបទាំងពីរ ។ យ៉ាងណាមិញយើងនៅមិនទាន់ដឹងពីជោគវាសនាកីឡាករឆ្នើមរូបនេះនៅឡើយទេ៕