Honda ប្រាប់អ្នកគាំទ្រកុំទាន់គិតពីលទ្ធផល វាជាការចាប់ផ្តើមប៉ុណ្ណោះ

ឆ្លើយតបសំណួរអ្នកសារពត៌មានដែលសួរថា តើលោករំពឹងកម្រិតណាក្នុងការដឹកនាំក្រុមជម្រើសជាតិកម្ពុជា យកជ័យជម្នះពីម៉ាឡេស៊ី អ្នកចាត់ការទូទៅ Keisuke Honda ថាលោកពុំទាន់គិតពីលទ្ធផលឡើយ គឺមានតែផ្តោតលើការបង្វឹក ហើយវាជាការចាប់ផ្តើមថ្មីមួយសម្រាប់ក្រុមគោព្រៃ។

អតីតខ្សែបម្រើជម្រើសជាតិជប៉ុនលើកឡើងថា « ខ្ញុំនឹងរករបៀបលេងថ្មីមួយសម្រាប់កម្ពុជា ហើយសម្លឹងមើលកីឡាករពីមួយថ្ងៃទៅមួយថ្ងៃ។ ខ្ញុំពុំទាន់គិតថាឈ្នះឬចាញ់ទេ ប៉ុន្តែខ្ញុំនឹងផ្តោតលើការរៀបចំជាមួយក្រុមការងារទាំងអស់។ វាជាការចាប់ផ្តើមថ្មីមួយ»។

ក្រុមជម្រើសជាតិកម្ពុជា បានចាប់ផ្តើមហ្វឹកហាត់ថ្ងៃដំបូងកាលពីម្សិលមិញ ជាមួយក្រុមគ្រូបង្វឹកថ្មី ដើម្បីត្រៀមខ្លួនប៉ះម៉ាឡេស៊ី នាល្ងាចថ្ងៃទី១០ ខែកញ្ញាខាងមុខ។

សំបុត្រទស្សនា នៅមានលក់នាមុខពហុកីឡដ្ឋានជាតិ មានតម្លៃ៥០០០រៀល និង១០០០០រៀល។ ការប្រកួតនេះ ក៏នឹងមានផ្សាយផ្ទាល់លើកញ្ជក់ទូរទស្សន៍ BTV ផងដែរ។
ប្រភព៖ FoxsportsAsia