គ្រូបង្វឹកវ័យ៥១ឆ្នាំបាននិយាយក្រោយចប់ការប្រកួតថា៖ “ក្រុមការងាររបស់ខ្ញុំបានមើលការប្រកួត និងសិក្សាចំពោះក្រុមកម្ពុជាកាលពីសប្ដាហ៍មុន។ កម្ពុជាជាក្រុមចូលចិត្តលេងបាល់ខ្លី អូសពីក្រោមយកមកលេងតែម្ដង ដើម្បីបម្រើដល់ស្លាប និងតំបន់ប្រយុទ្ធ។ ដូច្នេះយើងបានដឹងមុន និងអាចរៀបចំក្រុមបាន”។
អតីតកីឡាកររបស់ Real Madrid រូបនេះ បន្ដទៀតថានេះជាក្រុមមួយដែលក្រុមរបស់លោកផ្ដោតទៅលើយុវជនដើម្បីត្រៀមលេងស៊ីហ្គេម។ ខណៈដែលការប្រកួតផ្លូវការផ្សេងទៀត មិនមែនជាក្រុមដែលយកឈ្នះលើក្រុមកម្ពុជាល្ងាចមិញនេះនោះទេ។
Luis Milla ជាជនជាតិអេស្ប៉ាញ ហើយកាលពីនៅលេងបាល់ទាត់វិញ អតីតខ្សែបម្រើរូបនេះធ្លាប់លេងឱ្យក្លឹប FC Barcelona Real Madrid និង Valencia ដែលសុទ្ធសឹងជាក្លឹបធំៗល្បីៗនៅអឺរ៉ុបថែមទៀតផង៕
Post a Comment