ហែម ស៊ីម៉ៃ ស្នើសុំការគាំទ្រអង្គរថៃហ្គឺ មុនប៉ះ អគ្គស្នងការនគរបាលជាតិ នៅពានសម្តេច

អ្នកចាំទីឆ្នើម ហែម ស៊ីម៉ៃ បានអំពាវនាវឲ្យមានការលើកទឹកចិត្តបន្ថែម សម្រាប់ក្រុមអង្គរថៃហ្គឺរបស់ខ្លួនពិសេសប្រជាជននៅខេត្តសៀមរាប មុនប៉ះអគ្គស្នងការដ្ឋាននគរបាលជាតិ នៅវគ្គ៤ក្រុមចុងក្រោយពានសម្តេចហ៊ុនសែន នាថ្ងៃទី០២ ខែកញ្ញាខាងមុខ។

ស៊ីម៉ៃ បានសរសេរលើបណ្តាញសង្គមយ៉ាងដូច្នេះ៖ « សូមជំរាបដល់បងប្អូនអ្នកខេត្តសៀមរាបនឹងអ្នកគាំទ្រក្រុម អង្គរថាយហឺ្គរ ទាំងអស់អោយបានដឹងថាទោះជាពួកខ្ញុំមកពីទីកន្លែងផ្សេងៗគ្នាក៏ពិតមែនពួកខ្ញុំជាក្រុមកីឡាបាល់ទាត់តំណាងអោយខេត្តសៀមរាប។
សូមពាក្យជូនពរពួកខ្ញុំមា្នក់មួយមកដេីម្បីជាកំលាំងចិត្តនៅថ្ងៃទី២វគ្គ៤ក្រុមចុង HSC 2018 »។

នេះជាឆ្នាំដំបូងដែលអង្គរថៃហ្គឺឡើងដល់វគ្គពាក់កណ្តាលផ្តាច់ព្រ័ត្រ ខណៈសមាជិកខ្មែរមួយចំនួនដូចជា ពៅ ភារឹទ្ធិ តាំង សុភក្ត្រិ ឈុង ប៊ុនណាត និងថន សីហា សុទ្ធតែវិវត្តខ្លួនគួរឲ្យកត់សម្គាល់ ពិសេសពួកគេបង្ហាញមហិច្ឆតាចង់ជាប់ជម្រើសជាតិ ក្រោមការដឹកនាំរបស់គ្រូថ្មី។

គួរបញ្ជាក់ថា វគ្គពាក់កណ្តាលផ្តាច់ព្រ័ត្រពានសម្តេច នឹងធ្វើឡើងតែ១ជើងនៅពហុកីឡដ្ឋានជាតិ។ ក្រុមដែលឈ្នះ នឹងឡើងទៅប៉ះគ្នានៅសប្តាហ៍បន្ទាប់ដើម្បីយកជើងឯក។

ប្រភព៖​ FoxsportsAsia