តើកីឡាករទ័ព ឬ ប៉ូលិស ជាអ្នកដណ្តើមបានស្បែកជើងមាសពាំនសម្តេចតេជោ ហ៊ុន សែន?

នៅថ្ងៃសោរ៍ទី០៦ ខែតុលា ឆ្នាំ២០១៨ ខាងមុខនេះ ក្លឹបក្រសួងការពារជាតិ នឹងតតាំងគ្នាជាមួយក្លឹបអគ្គស្នងការដ្ឋាននគរបាលជាតិដើម្បីដណ្តើមពានរង្វាន់សម្តេចអគ្គមហាសេនាបតីតេជោ ហ៊ុន សែន ។

បើនិយាយពីប្រវត្តិពានរង្វាន់មួយនេះក្លឹបក្រសួងការពារជាតិធ្លាប់គ្រងជើងឯកចំនួន២លើក កាលពីឆ្នាំ២០១០ និង ២០១៦ ចំណែកឯក្រុមប៉ូលិសវិញធ្លាប់លើកពាននេះតែម្តងប៉ុណ្ណោះគឺនៅឆ្នាំ២០១៤។ 

ចំណែកបេក្ខភាពដណ្តើមស្បែកជើងមាសវិញគឺសុទ្ធតែកីឡាករមកពីក្លឹបទាំងពីតែម្តង ពោលគឺកីឡាកររបស់ប៉ូលិស នួន បូរី កំពុងនាំមុខលើតារាង Top Scorer ដោយរកបាន៧គ្រាប់ តាមពីក្រោយដោយកីឡាករក្រុមការពារជាតិចំនួន២រូប គឺ សុខ ហៀង ដែលមាន៥គ្រាប់ និង ឈិន ឈឿន មាន៤គ្រាប់ផងដែរ៕

រូបភាព៖ CNCC