តើ ធារី យល់យ៉ាងណាជុំវិញរឿង វឌ្ឍនាកា ទៅចូលរួមនឹង PKNS

សមាជិកក្លឹបបាល់ទាត់ Terengganu ធារី ចន្ថាប៊ីន សប្បាយចិត្តយ៉ាងខ្លាំង ដែលរូបគេបានលឺដំណឹងនៃការវិលត្រឡប់មកកាន់ទឹកដីម៉ាឡេស៊ីជាលើកទី២ របស់កីឡាករ ចាន់ វឌ្ឍនាកា ដែលទើបតែចូលរួមជាមួយក្លឹប PKNS សម្រាប់រដូវកាល ២០១៩។ 

ធារី​ ចន្ថាប៊ីន (រូបថត៖ Terengganu)

ធារី បានបង្ហាញពីអារម្មណ៍របស់ខ្លួនដែលចង់ជួប វឌ្ឍនាកា នៅលើទីលានប្រកួត ក្នុងនាមជាគូប្រកួតប្រជែង ស្របពេលដែល Terengganu នឹងត្រូវប៉ះ PKNS នៅថ្ងៃបើកឆាក រដូវកាលថ្មីនៃលីគកំពូលម៉ាឡេស៊ី គឺត្រូវនឹងថ្ងៃទី ១ ខែកុម្ភៈ ឆ្នាំ២០១៩។

ធារី បានរៀបរាប់ថា៖ ខ្ញុំពិតជារីករាយចំពោះដំណឹងដ៏ល្អនេះ។ PKNS គឺជាក្លឹបក៏ល្អសម្រាប់គាត់។ គាត់នឹងសប្បាយចិត្ត ហើយនឹងបង្ហាញសមត្ថភាពរបស់គាត់ ឲ្យអ្នកទាំងអស់គ្នាឃើញ។ អ្វីដែលសំខាន់មួយទៀតនោះ គឺក្រុមរបស់យើង នឹងត្រូវប៉ះគ្នា នោះប្រកួតដំបូងរដូវកាលថ្មី៕
ប្រភព៖ CNCC