អ្នកគាំទ្រ ចង់ឃើញការសម្តែងល្ខោនខោលពេលកម្ពុជា មិត្តភាពជាមួយ ម៉ាឡេស៊ី

អ្នកគាំទ្របាល់ទាត់ជាតិជាច្រើន បានស្នើទៅកាន់សហព័ន្ធបាល់ទាត់កម្ពុជា ដើម្បីដាក់ការសម្តែងល្ខោនខោល ចូលទៅក្នុងការប្រកួតមិត្តភាពរវាងក្រុមជម្រើសជាតិ និងម៉ាឡេស៊ី នាថ្ងៃទី១០ ខែកញ្ញាខាងមុខ។

ស្របពេលការចាប់អារម្មណ៍សិល្បៈបុរាណរបស់ខ្មែរនេះកើនឡើង ពួកគេក៏បង្កើតចលនាមួយដើម្បីឲ្យ FFC បង្កើតឲ្យមានទស្សនីភាពវប្បធម៌នេះនៅមុន អំឡុងពេល និងក្រោយការប្រកួតនៅក្នុងដីពហុកីឡដ្ឋានជាតិ។

យ៉ាងណាក្តី នៅពុំទាន់មានសេចក្តីបញ្ជាក់ឬឆ្លើយតបណាមួយពីប្រមុខអ្នកដឹកនាំឡើយ។ ប៉ុន្តែយ៉ាងណា គេនៅចាំថា សហព័ន្ធបាល់ទាត់កម្ពុជា ធ្លាប់ដាក់ការសម្តែងនេះចូលក្នុងការប្រកួតមិត្តភាពម្តងរួចទៅហើយ។
ប្រភព៖ FoxsportsAsia