គ្រូណាហ្គា មិនសង្ឃឹមខ្ពស់បានពាន ទោះឈ្នះក្រសួងការពារជាតិ នៅពានសម្តេច

មុនការប្រកួតវគ្គពាក់កណ្តាលផ្តាច់ព្រ័ត្រ ពានសម្តេចហ៊ុនសែន ដែលណាហ្គាវ៉ើលត្រូវប៉ះក្រសួងការពារជាតិ លោក មាស ចាន់ណា ទម្លាយថាលោកពុំទាន់រំពឹងខ្ពស់អំពីការឈ្នះពានឡើយ បើទោះឆ្លងកាត់ក្រុមជើងឯក២០១៦រួច។

លោក មាស ចាន់ណា ថាខ្លួនគោរពក្រុមទាំង៤ដែលឡើងមកដល់វគ្គពាក់កណ្តាលផ្តាច់ព្រ័ត្រ ដែលសុទ្ធតែជាក្រុមមានគុណភាពខ្ពស់។ ជាមួយគ្នានេះ បើទោះឡើងដល់ផ្តាច់ព្រ័ត្រ ក៏លោកមិនសង្ឃឹមច្រើន គឺមានតែខំរៀបចំក្រុមបន្ថែមទៀតប៉ុណ្ណោះ។

នេះជាការឆ្លើយតបទៅអ្នកគាំទ្រ ដែលលើកឡើងថា ការប្រកួតរវាងណាហ្គាវ៉ើលនិងក្រសួងការពារជាតិ ជាប្រកួតផ្តាច់ព្រ័ត្រត្បិតក្រុមទាំង២មានកម្រិតខ្ពស់ជាង អង្គរថៃហ្គឺ និងអគ្គស្នងការដ្ឋាននគរបាលជាតិ។

វគ្គពាក់កណ្តាលផ្តាច់ព័ត្រ នឹងប្រកួតនៅថ្ងៃស្អែកនាពហុកីឡដ្ឋានជាតិ ដោយមានផ្សាយផ្ទាល់តាមរយៈទូរទស្សន៍ BTV ។
ប្រភព៖ FoxsportsAsia